Мир Вам, дорогие посетители православного сайта “Семья и Вера”!
Суббота 4-й седмицы Великого поста – последняя в святой Четыредесятнице, которая посвящена поминовению усопших.
Поминовение усопших сродников, знакомых, и близких людей – это святое дело!
Давайте помолимся и мы вознесем свои молитвы, и попросим у Господа Царство Небесного всем усопшим православным христианам!
Молитва об усопших
Помяни, Господи Боже наш, в вере и надежди живота вечнаго преставльшагося раба Твоего, брата нашего (имя), яко Благ и Человеколюбец, отпущаяй грехи и потребляяй неправды, ослаби, остави и прости вся вольная его согрешения и невольная, избави его вечныя муки и огня геенскаго, и даруй ему причастие и наслаждение вечных Твоих благих, уготованных любящым Тя: аще бо и согреши, но не отступи от Тебе, и несумненно во Отца и Сына и Святаго Духа, Бога Тя в Троице славимаго, верова, и Единицу в Троицу и Троицу в Единстве православно даже до последняго своего издыхания исповеда. Темже милостив тому буди, и веру яже в Тя вместо дел вмени, и со святыми Твоими яко Щедр упокой: несть бо человека, иже поживет и не согрешит. Но Ты Един еси кроме всякаго греха, и правда Твоя правда во веки, и Ты еси Един Бог милостей и щедрот, и человеколюбия, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Тропарь, глас 4-й
Со духи праведных скончавшихся душу раба Твоего (рабы Твоея), Спасе, упокой, сохраняя их во блаженной жизни, яже у Тебе, Человеколюбие.
В покоищи Твоем, Господи, идеже вси святии Твои упокоеваются, упокой и душу раба Твоего, яко Един еси Человеколюбец.
Слава Отцу и Сыну и Святому Духу.
Ты еси Бог, сошедый во ад, и узы окованных разрешивый, Сам и душу раба Твоего упокой.
И ныне и присно и во веки веков.
Едина чистая и непорочная Дево, Бога без семене рождшая, моли спастися душе его (ея).
Седален, глас 5-й
Покой, Спасе наш, с праведными раба Твоего (рабу Твою), и сего (сию) всели во дворы Твоя, якоже есть писано, презирая, яко Благ, прегрешения его (ея) вольная и невольная, и вся яже в ведении и не в ведении, Человеколюбче.
Кондак, глас 8-й
Со святыми упокой, Христе, душу раба Твоего (рабы Твоея), идеже несть болезнь, ни печаль, ни воздыхание, но жизнь безконечная.
Икос
Сам Един еси Безсмертный, сотворивый и создавый человека, земнии убо от земли создахомся, и в землю туюжде пойдем, якоже повелел еси, Создавый мя, и рекий ми: яко земля еси, и в землю отъидеши, аможе вси человецы пойдем, надгробное рыдание творяще песнь: аллилуиа, аллилуиа, аллилуиа.
Слава Тебе Боже наш, слава Тебе!
Молитвы в Воскресенье 4-е Великого поста
Родительская суббота. Четвертая неделя Великого Поста
