Молитва перед учением

Молитва перед учением

Во имя Отца, и Сына, и Святаго Духа, Аминь.

Господи Иисусе Христе, Сыне Божий, молитв ради Пречистыя Твоея Матере и всех святых, помилуй нас. Аминь.

Слава Тебе, Боже наш, слава Тебе.

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Молитвы Господу Богу

Преблагий Господи, ниспосли нам благодать Духа Твоего Святаго, дарствующаго смысл и укрепляющаго душевныя наши силы, дабы, внимая преподаваемому нам учению, возросли мы Тебе, нашему Создателю, во славу, родителем же нашим на утешение, Церкви и отечеству на пользу.

Молитва ко Пресвятой Богородице пред иконой Ее «Подательница ума» или «Прибавление ума»

О Пресвятая Дево! Ты — Невеста Бога Отца и Матерь Божественнаго Его Сына Иисуса Христа! Ты — Царица Ангелов и спасение людей, обличительница грешников и наказательница богоотступников. Помилуй и нас, тяжко согрешивших и не исполнивших заповедей Божиих, нарушивших обеты крещения и обеты монашества и многие другие, которые обещали исполнять. Когда Дух Святый отступил от царя Саула, тогда боязнь и уныние напали на него и тьма отчаяния и безрадостное состояние души мучили его. Теперь и мы за грехи наши все лишились благодати Духа Святаго. Ум осуетился суетою помышлений, забвение о Боге омрачило души наша, и теперь теснят сердце всякаго рода печали, скорби, болезни, ненависть, зло, вражда, мстительность, злорадство и прочие грехи. И, не имея радости и утешения, зовем к Тебе, Мати Бога нашего Иисуса Христа, да умолиши Сына Твоего простить нам все наши согрешения и послать к нам Духа Утешителя, как послал Он Его на апостолов, да утешенные и просвещенные им воспоим Тебе благодарственную песнь: радуйся Пресвятая Богородице, ко спасению прибавившая нам ума. Аминь.

Молитва после учения

Благодарим Тебе, Создателю, яко сподобил еси нас благодати Твоея, во еже внимати учению. Благослови наших начальников, родителей и учителей, ведущих нас к познанию блага, и подаждь нам силу и крепость к продолжению учения сего.

Молитва перед учением

Православный молитвослов >>

На главную страницу сайта - Семья и Вера