Молитва святителю Спиридону Тримифунтскому

Память великого угодника Христова, святителя Спиридона Тримифунтского, празднуется 25 декабря.

Сему дивному народному заступнику молятся во всех житейских нуждах и святитель Спиридон всегда спешит на помощь! При покупке жилья – помогает, во всякой болезни – исцеляет, от бесовских напастей – охраняет, обращаются к Чудотворцу Спиридону с теплой верой, и он творит чудеса! Неспроста у него стаптываются башмачки, которые ему меняют раз в год, а от постоянных путешествий по земле!

Молитва святителю Спиридону Тримифунтскому

Молитва – всегда сближает нас со святыми угодниками Божьими. Поэтому  мы должны чаще прибегать к святой молитве!

Тропарь святителю Спиридону

Собора перваго показался еси поборник и чудотворец, богоносне Спиридоне, отче наш. Темже мертву ты во гробе возгласив, и змию в злато претворил еси, и внегда пети тебе святыя молитвы, ангелы сослужащия тебе имел еси, священнейший. Слава Давшему тебе крепость, слава Венчавшему тя, слава Действующему тобою всем исцеления.

Кондак святителю Спиридону

Любовию Христовою уязвився, священнейший, ум вперив зарею Духа, детельным видением твоим деяние обрел еси, Богоприятне, жертвенник Божественный быв, прося всем Божественнаго сияния.

Молитва святителю Спиридону Тримифунтскому

О, великий и пречудный святителю Христов и чудотворче Спиридоне, Керкирская похвале, всея вселенныя светильниче пресветлый, теплый к Богу молитвенниче и всем, к тебе прибегающим и с верою молящимся, скоропредстательный заступниче! Ты веру Православную на Никейстем Соборе посреде отцев преславно изъяснил еси, ты единство Святыя Троицы чудесною силою показал еси и еретиков до конца посрамил еси. Услыши, святителю Христов, нас грешных, молящихся тебе, и сильным твоим предстательством у Господа избави нас от всякаго злаго обстояния: от глада, потопа, огня и смертоносныя язвы. Ты бо во временней жизни своей от всех сих бедствий избавлял еси люди твоя: от нашествия Aгарян и от глада страну твою сохранил еси, царя от неисцельнаго недуга избавил и многая грешники к покаянию привел еси, за святость же жития твоего ангелы невидимо в церкви поющия и сослужащия тебе имел еси. Сице убо прослави тебе, вернаго Своего раба, Владыка Христос, яко вся тайная человеческая деяния дарова тебе разумети и живущия же неправедно обличати. Многим, в скудости и недостаточестве живущим, ты усердно помогал еси, люди убогия изобильно во время глада напитал еси, и иная многая знамения силою в тебе живущаго Духа Божия сотворил еси. Сице и нас не остави, святителю Христов, поминай нас, чад своих, у Престола Вседержителя, и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдныя и мирныя и блаженства вечнаго в будущем веце сподобит нас, да непрестанно возсылаем славу и благодарение Отцу и Сыну и Духу Святому, ныне и присно и во веки веков. Аминь.

Святителю отче Спиридоне, помоги нам в житейских нуждах, и буди заступник пред Господом во всей нашей жизни!

Житие святителя Спиридона Тримифунтского

Святитель Спиридон в святой поэзии

Православный молитвослов >>