Мир Вам, дорогие посетители православного сайта “Семья и Вера”!
Семейное счастье состоит не только в терпении супругами друг друга, но и теплой молитвой к Господу Богу и Его святым угодникам.
Святые благоверные князь Петр и княгиня Феврония явили всем нам своей христианской любвеобильной жизнью ярчайший пример терпения, любви, преданности и горячей веры в Бога!
Прожив долгую, наполненную добрыми делами и ежедневными молитвами, жизнь, святые супруги переселились в Царствие Христово, где и поныне предстоят Его престолу, молясь за всех, кто обращается к ним за помощью.
Ниже мы прилагаем молитвы благоверному князю Петру и княгине Февронии, которые желательно возносить ежедневно.
Молитвы св. благоверным Петру и Февронии Муромским
Тропарь, глас 8
Яко благочестиваго корене пречестная отрасль был еси, добре во благочестии пожив, блаженне Петре, тако и с супружницею твоею, премудрою Феврониею, в мире Богу угодивше и преподобных житию сподобистеся. С нимиже молитеся Господеви сохранити без вреда отечество ваше, да вас непрестанно почитаем.
Кондак, глас 8
Мира сего княжение и славу временну помышляя, сего ради благочестно в мире пожил еси, Петре, купно с супружницею твоею премудрою Феврониею, милостынею и молитвами Богу угодивше. Темже, и по смерти неразлучно во гробе лежаще, исцеление невидимо подаваете, и ныне Христу молитеся сохранити град же и люди, иже вас славящих.
Величание
Ублажаем вас, святии чудотворцы Петре и Февроние, и чтим святую память вашу, вы бо молите за ны Христа Бога нашего.
Молитва первая
О велиции угодницы Божии и предивнии чудотворцы, благовернии княже Петре и княгине Февроние, града Мурома предстателие и хранителие, и о всех нас усерднии ко Господу молитвенницы! К вам прибегаем и вам с упованием крепким молимся: вознесите о нас, грешных, святыя молитвы ваша ко Господу Богу, и испросите у благости Его вся благопотребная душам и телесем нашим: веру праву, надежду благу, любовь нелицемерну, благочестие непоколебимо, в добрых делех преуспеяние, мира умирение, земли плодоносие, воздуха благорастворение, телесем здравие и душам спасение. Исходатайствуйте у Царя Небеснаго Церкви Святей и всей державе Российстей мир, тишину и благоустроение, и всем нам житие благополучное и добрую христианскую кончину. Оградите Отечество ваше и вся грады Российския от всякаго зла; и вся правоверныя люди, к вам приходящия и святым мощем вашим поклоняющиеся, осените благодатным действом богоприятных молитв ваших, и вся прошения их во благо исполните. Ей, чудотворцы святии! Не презрите молитв наших, со умилением вам днесь возносимых, но будите о нас приснии предстателие ко Господу, и сподобите нас помощию вашею спасение вечное улучити и Царствие Небесное унаследовати: да славословим неизреченное человеколюбие Отца и Сына и Святаго Духа, в Троице покланяемаго Бога, во веки веков. Аминь.
Молитва вторая
О угодницы Божии, благовернии княже Петре и княгине Февроние, к вам прибегаем и к вам со упованием крепким молимся: вознесите о нас, грешных ( имярек), святыя молитвы ваши ко Господу Богу и испросите у благости Его вся благопотребная душам и телесем нашим: веру праву, надежду благу, любовь нелицемерну, благочестие непоколебимо, в добрых делех преуспеяние. И ходатайствуйте нам у Царя Небеснаго житие благополучное и добрую христианскую кончину. Ей, чудотворцы святии! Не презрите молитв наших, но будите о нас приснии предстателие ко Господу, и сподобите нас помощию вашею спасение вечное получити и Царствие Небесное унаследовати, да славословим неизреченное человеколюбие Отца и Сына и Святаго Духа, в Троице покланяемаго Бога во веки веков.
Святии благовернии княже Петре и княгине Февроние, молите Бога о нас!
Акафист св. Петру и Февронии – mp3
Повесть Петре и Февронии Муромских
На рубрику св. Петра и Февронии >>
