Акафист святым мученикам Гурию Самону и Авиву


Домашний сорокоуст - Гурию Самону и Авиву

АКАФИСТ СВЯТЫМ МУЧЕНИКАМ ГУРИЮ САМОНУ И АВИВУ
Домашний сорокоуст

Мир Вам, дорогие посетители православного сайта «Семья и Вера»!

Данная страница посвящена чтению домашнего сорокоуста – акафиста святым мученикам Гурию Самону и Авиву.

Святым мученикам Гурию Самону и Авиву молятся о благополучии в браке и счастливом супружестве. О сохранении жены от жестокости немилосердного супруга (аще муж безвинно возненавидит жену свою).

Для 40-дневного чтения акафиста нужно взять благословение у духовника нашего сайта — священника Димитрия Синявина – ниже, в комментариях.

Молитвами святых мучеников Гурия Самона и Авива, даруй Господи мир и любовь в семье, взаимопонимание между нами (супругами) и взаимное уважение! 

Заглавие, крест

ПРЕДНАЧИНАТЕЛЬНЫЕ МОЛИТВЫ, ЧИТАЕМЫЕ ПЕРЕД АКАФИСТОМ

Молитва Святому Духу

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Трисвятое

Святый Боже, Святый Крепкий, Святый Безсмертный, помилуй нас. (Читается трижды, с крестным знамением и поясным поклоном.)

Слава Отцу и Сыну и Святому Духу, и ныне и присно и во веки веков. Аминь.

Молитва ко Пресвятой Троице

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды).
Слава Отцу и Сыну и Святому Духу, и ныне и присно и во веки веков. Аминь.

Молитва Господня

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Гурий Самон и Авив

АКАФИСТ СВЯТЫМ МУЧЕНИКАМ ГУРИЮ САМОНУ И АВИВУ

Кондак 1

Избраннии чудотворцы Христовы и святыя веры исповедницы, Гурие, Самоне и Авиве добронравнии, память вашу чтущи песньми похвальными, воспеваем яко христиан заступников, страждущих покровителей. Вы же, имуще дерзновение ко Господу, от всяких бед и напастей свободите нас, верою и любовию зовущих: Радуйтеся, Гурие, Самоне и Авиве, страстотерпцы Христовы и обидимых покровителие.

Икос 1

Ангелы во плоти Троице Святей равночисленнии, любовию к Богу горяще идолы попрасте, веру Христову укреписте, Троицу Святую прослависте; темже убо похваляюще подвиги ваша, глаголем вам сице:
Радуйтеся, светильники благочестия.
Радуйтеся, обличители нечестия.
Радуйтеся, утверждения веры Христовой.
Радуйтеся, столпы Церкви Божия.
Радуйтеся, верных надеждо и заступление.
Радуйтеся, неверных страх и посрамление.
Радуйтеся, Гурие, Самоне и Авиве, страстотерпцы Христовы и обидимых покровителие.

Кондак 2

Видя нечестие людей града Едеса, святии Гурий и Самон в пустыню удалишися, бегая князя мира сего и соблазнов, и усердно служаще Богу, день и ночь воспеваху: Аллилуиа.

Икос 2

Разум премудр имея, святии мученицы, выну трудишася во славу Божию, языческое нечестие обличая, ищущия истины на путь правый наставляя и мнози неверныя к Богу Истинномупривлекоша; сего ради глаголем вам сице:
Радуйтеся, насадителие истиннаго богопочитания.
Радуйтеся, искоренителие демонскаго служения.
Радуйтеся, тьмы нечестия обличителие.
Радуйтеся, идольския прелести низложителие.
Радуйтеся, исповедницы Христовы изряднии.
Радуйтеся, cвeтилa веры Православныя.
Радуйтеся, Гурие, Самоне и Авиве, страстотерпцы Христовы и обидимых покровителие.

Кондак 3

Силою свыше осененнии святии мученицы, гонителей святыя веры не устрашишася, веления нечестиваго Антониана небрегоша и веру Христову велегласно прославиша, темже и в темницу ввержени пояху Богу: Аллилуиа.

Икос 3

Имея веру во Христа адаманта твердейшую и силою тоя вооружившиися, мужественно претерпели есте, святии мученицы, темничныя узы и самую смерть; сего ради похваляюще таковое мужество, ублажаем вас сице:
Радуйтеся, истинныя веры исповедницы.
Радуйтеся, Царствия Божия наследницы.
Радуйтеся, мучеников похвало.
Радуйтеся, страстотерпцев славо.
Радуйтеся, святыя Церкви утверждение.
Радуйтеся, всего рода христианскаго украшения.
Радуйтеся, Гурие, Самоне и Авиве, страстотерпцы Христовы и обидимых покровителие.

Кондак 4

Бурею помышлений сумнительных одержимый, нечестивый царь Ликиний воздвиже жестокое гонение на христианы; ты же, страстотерпче Авиве, того не убояся, с твердою верою взывал еси Христу Богу: Аллилуиа.

Икос 4

Слышав царь Ликиний твоя подвиги, досточудный Авиве, и твое твердое веры исповедание, разъярися на тя злобою, повеле предати тя смерти лютей яко противника царева; ты же, уведев о сем, добровольно потекл еси на мучение и с радостию претерпел еси огненное сожжение; сего ради, дивящеся великому мужеству твоему, величаем тя сице:
Радуйся, поборниче веры во Христа неустрашимый.
Радуйся, воине Христов непобедимый.
Радуйся, повешанный на древе за Pacпpoстepшагo руце Свои на древе Крестнем.
Радуйся, строганный когтьми железными.
Радуйся, утешение подаваяй скорбящим.
Радуйся, скорый помощниче всем за истину терпящим.
Радуйтеся, Гурие, Самоне и Авиве, страстотерпцы Христовы и обидимых покровителие.

Кондак 5

Боготечным звездам на тверди небесней подобнии были есте, святии мученицы, лучами жития своею тьму языческаго нечестия просвещающии и многих на путь истины наставляющии. Темже благоговейно чтуще память вашу, благодарно поем Богу: Аллилуиа.

Икос 5

Видеша людие града Едеса многая чудеса, бываемыя от раки святых мучеников Гурия, Самона и Авива, зело радовахуся и Господа всем сердцем прославляху; мы же чтуще святую память вашу, святии мученицы, умильно взываем:
Радуйтеся, неправедно гонимых заступницы.
Радуйтеся, верных рабов Христовых друзи.
Радуйтеся, сущих во узах и темницах хранителие.
Радуйтеся, гонителей и обидящих вразумителие.
Радуйтеся, плачущих утешителие.
Радуйтеся, от наглыя и лютыя смерти избавителие.
Радуйтеся, Гурие, Самоне и Авиве, страстотерпцы Христовы и обидимых покровителие.

Кондак 6

С высоты, мудрии, благодать приемше, за сущих во искушении предстоите, всехвальнии, темже отроковицу, святии, от смерти горькия избависте: вы бо воистинну есте граду Едесу слава и миру радость; сего ради воспеваем ко Господу: Аллилуиа.

Икос 6

Вражия работы избави нас, Иисусе Жизнодавце, Твоих страдалец мольбами умоляемь, яко да непорабощенну стяжав от страстей душу и тело, восхваляем тех скорейшую помощь, якоже во гробе затворенную мужем и сию скоро предваривше от смерти избавиша; темже взываем вам сице:
Радуйтеся, невинную жену от лютыя смерти спасшии.
Радуйтеся, дивным спасением ея зверства мучителя победившии.
Радуйтеся, злаго мужа жестокое деяние обличившии.
Радуйтеся, и того веровати в силу Бога христианскаго научившии.
Радуйтеся, подателие милости тоя требующим.
Радуйтеся, стражи неусыпнии почитающих память вашу.
Радуйтеся, Гурие, Самоне и Авиве, страстотерпцы Христовы и обидимых покровителие.

Кондак 7

Хотяй Человеколюбец Господь явити милость Свою людем Своим, сохрани телеса ваша нетленны, чудеса точащии, от нихже вси вернии токи исцелений получают, зовуще Богу: Аллилуиа.

Икос 7

Новых заступников и дивных чудотворцев ведуще, людие из града Едеса святой храм в память вашу создаша, в немже и мощи ваша положиша, да вси страждущии помощь от них почерпают; мы же такожде тверду надежду на вас имуще, взываем вам сице:
Радуйтеся, душевных и телесных недугов наших целителие.
Радуйтеся, бесов о имени Господни изгонителие.
Радуйтеся, Евангельския истины благовестителие.
Радуйтеся, Божественныя благодати носителие.
Радуйтеся, скорби многи за имя Господне приявшии.
Радуйтеся, дивно во святых Его просиявшии.
Радуйтеся, Гурие, Самоне и Авиве, страстотерпцы Христовы и обидимых покровителие.

Кондак 8

Странно и страшно неверным слышати, каковы дивныя дела от святых мощей ваших совершаются: недузи врачуются, страсти исцеляются; мы же, тверду надежду на вас имуще, Богу о вас тако благодеющему с верою взываем: Аллилуиа.

Икос 8

Всеми добродетельми исполненнии, за нихже и славою Божиею почтеннии, внимаете, святии мученицы, молитвам верных, чтущих святую память вашу, от нихже слышисте сицевая:
Радуйтеся, нищии духом, яко ваше есть Царствие Небесное.
Радуйтеся, плачущии, яко утешистеся.
Радуйтеся, кротции, яко наследовасте землю.
Радуйтеся, алкавшии и жаждавшии правды, яко насытишася.
Радуйтеся, милостивии, яко стяжали есте помилование.
Радуйтеся, чистии сердцем, яко уже Бога узресте.
Радуйтеся, Гурие, Самоне и Авиве, страстотерпцы Христовы и обидимых покровителие.

Кондак 9

Всякия напасти, находящия на град Едес, разоряли есте, святии мученицы, темже и ныне не оставите нас смиренных и грешных, но вся люди страны нашея в Православии и единомыслии утвердите, да вси едиными усты и единым сердцем воскликнем прославившему вас Господу: Аллилуиа.

Икос 9

Витии многовещаннии, яко рыбы безгласнии зрим о вас, святии мученицы: недоумеют бо, како в пустыни духом витали есте и посреде человек неусыпными подвиги подвизастеся. Мы же радующеся, яко таковы имамы учители и молитвенники, прославляем вас, глаголюще:
Радуйтеся, кимвалы Слова Божия.
Радуйтеся, теплии о нас пред Богом ходатаи.
Радуйтеся, иудеев и еллинов просветителие.
Радуйтеся, Тридневнаго Божества благовестителие.
Радуйтеся, кротости и воздержания учителие.
Радуйтеся, лжи и татьбы обличителие.
Радуйтеся, Гурие, Самоне и Авиве, страстотерпцы Христовы и обидимых покровителие.

Кондак 10

Спасти хотя люди града Едеса от мысленнаго волка, твердо увещали есте тех стояти во истинней вере, ниже козней вражиих устрашатися, но и в скорбех и напастех за вся благодарити Бога, поюще Ему: Аллилуиа.

Икос 10

Стена тверда и надежное прибежище есте, святии мученицы, всем к вам прибегающим и скорыя помощи требующим, сего ради во умилении сердца нашего взываем:
Радуйтеся, всех скорбящих радование.
Радуйтеся, всех угнетенных и порабощенных прибежище и освобождение.
Радуйтеся, вдов и сирот заступление.
Радуйтеся, от ересей и расколов ограждение.
Радуйтеся, яко вси нечестивии житию вашему удивляются.
Радуйтеся, яко вси благочестивии о имени вашем веселятся.
Радуйтеся, Гурие, Самоне и Авиве, страстотерпцы Христовы и обидимых покровителие.

Кондак 11

Пение благодарственное приносяще ко Господу о вас, теплии заступницы наши, молим вас присно не отступати от нас, грех наших ради, но милосердие от Господа всем испросите, вопиющим Ему: Аллилуиа.

Икос 11

Светозарную троицу святых мучеников восхваляюще, вернии, устранимся распрей и раздоров в жизни сей, убежим несогласий и разделений в Православней вере и, храняще единение духа в союзе мира, из глубины души воскликнем тако:
Радуйтеся, громогласныя трубы Евангельскаго благовестия.
Радуйтеся, сладкозвучныя гусли проповеди спасения.
Радуйтеся, крепции правды рачителие.
Радуйтеся, непоколебимии неправды истребителие.
Радуйтеся, благочестивым семействам мира и блага подателие.
Радуйтеся, жестоким и неверным супругом строгие наказатели.
Радуйтеся, Гурие, Самоне и Авиве, страстотерпцы Христовы и обидимых покровителие.

Кондак 12

Благодать, данную вам от Бога, ведуще, память вашу празднуем, святии мученицы, с усердным молением к вашему честному образу притекающее и вашею твердою помощию, яко необоримою стеною, ограждающееся; сего ради восхваляем вас, страстотерпцы Христовы, и усердно зовем Богу: Аллилуиа.

Икос 12

Поюще ваше дивное житие и мученическую кончину, молим вас, страстотерпцы Христовы Гурие, Самоне и Авиве: будете нам во всем благие помощницы, благословите нас миром и любовию, подайте нам твердую веру, чистоту жизни и страх Божий, да вси душевный покой имуще, в радости воскликнем:
Радуйтеся, яко имена ваша и между неверными прославляются.
Радуйтеся, покой и отрадо скорбящим.
Радуйтеся, страх и удивление обидящим.
Радуйтеся, невинную жену от лютыя смерти спасшии.
Радуйтеся, злаго мужа ея достойно покаравшии.
Радуйтеся, Гурие, Самоне и Авиве, страстотерпцы Христовы и обидимых покровителие.

Кондак 13
(читается трижды)

О святии страстотерпцы Христовы Гурие, Самоне и Авиве, приимите сие наше хвалебное пение и, услышав усердное желание наше, избавите нас теплым своим к Богу предстательством от всякаго зла, от вражды и несогласий, и всяких лютых бед и болезней, да с любовию вас чтуще, выну зовем Ему: Аллилуиа.

Икос 1
(читается повторно)

Ангелы во плоти Троице Святей равночисленнии, любовию к Богу горяще идолы попрасте, веру Христову укреписте, Троицу Святую прослависте; темже убо похваляюще подвиги ваша, глаголем вам сице:
Радуйтеся, светильники благочестия.
Радуйтеся, обличители нечестия.
Радуйтеся, утверждения веры Христовой.
Радуйтеся, столпы Церкви Божия.
Радуйтеся, верных надеждо и заступление.
Радуйтеся, неверных страх и посрамление.
Радуйтеся, Гурие, Самоне и Авиве, страстотерпцы Христовы и обидимых покровителие.

Кондак 1
(также читается повторно)

Избраннии чудотворцы Христовы и святыя веры исповедницы, Гурие, Самоне и Авиве добронравнии, память вашу чтущи песньми похвальными, воспеваем яко христиан заступников, страждущих покровителей. Вы же, имуще дерзновение ко Господу, от всяких бед и напастей свободите нас, верою и любовию зовущих: Радуйтеся, Гурие, Самоне и Авиве, страстотерпцы Христовы и обидимых покровителие.

Молитва святым мученикам Гурию Самону и Авиву

О преславнии мученицы Гурие, Самоне и Авиве! К вам, яко скорым помощникам и теплым молитвенникам, мы, немощнии и недостойнии, прибегаем, усердно моляще: не презрите ны, во многая беззакония впадшия и по вся дни и часы согрешающия; наставите на путь правый заблуждшия, исцелите страждущия и скорбящия; соблюдите ны в непорочнем и целомудреннем житии; и якоже древле, тако и ныне покровителие супружеств пребудите, в любви и единомыслии сия утверждающе и от всех злых и бедственных обстояний избавляюще. Защитите, о многомощнии исповедницы, вся православныя христианы от напастей, злых человек и козней демонских; оградите я от нечаянныя смерти, умоляюще Всеблагаго Господа, да великия и богатыя милости нам, смиренным рабом Своим, пробавит. Несмы бо достойни нечистыми устнами призывати великолепое имя Создателя нашего, аще не вы, святии мученицы, за ны ходатаи будете; сего ради к вам прибегаем и предстательства вашего пред Господем о нас просим. Такожде избавите нас от глада, потопа, огня, меча, нашествия иноплеменных, междоусобныя брани, смертоносныя язвы и всякаго душепагубнаго обстояния. Ей, страстотерпцы Христовы, устройте нам молитвами вашими вся благая и полезная, да благочестно житие временное прешедше и кончину непостыдну стяжавше, удостоимся теплым заступлением вашим со всеми святыми одесную Правосуднаго Бога Судии стати, и Того непрестанно славити со Отцем и Святым Духом во веки веков. Аминь.

молитвы, молитвослов

Достойно есть

Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова родшую, сущую Богородицу Тя величаем.


ПОДАЧА ИМЁН НА ДОМАШНИЙ СОРОКОУСТ

Отец Димитрий ежедневно служит Молебны с чтением молитв Господу, Пресвятой Богородице и святым угодниками Христовым, в том числе и святым мученикам Гурию, Самону и Авиву. Вы можете подать свои имена и батюшка будет возносить за Вас особые иерейские молитвы в течении 40-дней.

Домашний Сорокоуст

Ваш E-Mail:

Выберите Акафист на Домашний сорокоуст:

Имя (имена) на Домашний сорокоуст
(пишите в родительном падеже, через запятую):

Общая сумма вносимого Вами пожертвования
Из расчета 1 имя – 300 рублей:

Внесение пожертвования, оплата, платеж

Пожертвование Вы можете легко перечислить по ниже размещенной форме:

..

ЛИБО ВНЕСТИ САМОСТОЯТЕЛЬНО ПО СЛЕДУЮЩИМ РЕКВИЗИТАМ:

Карта Виза 4276380091877204

Билайн, оплата+7(906)748–98–39

Пайпал, оплата pozhertvovanie@list.ru

Окончание

НА РУБРИКУ – ДОМАШНИЙ СОРОКОУСТ >>

Записки в Храм, О здравии, О упокоении, баннер

На главную страницу сайта


Обсуждение: 212 комментариев
  1. Ольга:

    Здравствуйте, отец Дмитрий. Прошу вашего благословения на чтение 40-дневного акафиста святым мученикам Гурию, Самону и Авиву для сохранении и благополучии в нашей семье. Заранее очень Вам благодарна!

    Ответить
    1. священник Димитрий Синявин:

      Здравствуйте, Ольга!
      Благословляю Вас на сорокадневное чтение акафиста святым мученикам Гурию Самону и Авиву.
      Мир Вам и Божие благословение!

      Ответить
  2. Анна:

    Добрый день, отец Дмитрий! Прошу Вашего Благословения на 40 дневное чтение акафиста святым мученикам Гурию Самону и Авиву, для сохранения нашей семьи.

    Ответить
    1. священник Димитрий Синявин:

      Здравствуйте, Анна!
      Благословляю Вас на сорокадневное чтение акафиста святым мученикам Гурию Самону и Авиву.
      Мир Вам и Божие благословение!

      Ответить

Мир Вам!

В связи с летним отпуском сотрудников сайта «Семья и Вера», Ваши комментарии (и ответы на них) будут опубликованы после 31 июля.

Если Вы хотите испросить у духовника нашего сайта священника Димитрия Синявина благословение на чтение Молитвы по соглашению или Домашнего сорокоуста, то батюшка уже преподал всем общее благословение. Присоединяйтесь к нам и читайте соборные молитвы вместе с нами. А индивидуальное благословение можете испросить после 2 августа, и отец Димитрий Вас с радостью его преподаст!

Храни Вас Господи!

С уважением, Администрация сайта "СЕМЬЯ И ВЕРА".

Ваш комментарий

Ваш e-mail не будет опубликован. Обязательные поля помечены *

Передать письмо с просьбой к мощам св. Петра и Февронии
Совместные молитвы по соглашению — давайте молиться вместе!
Молитва по соглашению Домашний сорокоуст Акафисты по соглашению
Записки в Храм
Записки О здравии О упокоении, записки в храм Молебны святым, Господу, Богородице Молебен святителю Николаю Молебен святой Матроне
Святая Матрона — наша заступница!

Рубрика святой Матроны Московской

Письма-записки, цветы и свечи, к мощам блаженной Матроны

Молебны перед святынями
Молебен пред мощами мученика Виктора 2 Молебен пред Гробницей Божией Матери