Мир Вам, дорогие посетители православного сайта “Семья и Вера”!
Поздравляем Вас с двунадесятым праздником Успения Пресвятой Богородицы!
Каждый православный христианин должен посетить храм в этот великий и праздничный день. Но… к сожалению, у многих нет такой благодатной возможности по причине отсутствия в досягаемом месте церкви, сидения дома с детьми, болезни и других уважительных оснований.
Посему мы предлагаем вознести теплую и праздничную молитву дома, прочитав ниже размещенные стихиры празднику Успения Пресвятой Богородицы.
Также прилагаем к праздничным молитвам аудиозапись всенощного бдения, которое было отслужено в Сретенском монастыре в праздник Успения Пресвятой Богородицы.
УСПЕНИЕ ПРЕСВЯТОЙ СЛАВНОЙ ВЛАДЫЧИЦЫ НАШЕЙ
БОГОРОДИЦЫ И ПРИСНОДЕВЫ МАРИИ
Псалом 103 (в сокращении)
Благослови, душе моя, Господа. / Благословен еси, Господи. / Господи, Боже мой, возвеличился еси зело. / Благословен еси, Господи. / Во исповедание и в велелепоту / облеклся еси. Благословен еси, Господи. / Посреде гор пройдут воды. / Дивна дела Твоя, Господи. / Вся премудростию сотворил еси. / Слава Ти, Господи, сотворившему вся.]
Стихиры на ГОСПОДИ ВОЗЗВАХ, глас 1
Изведи из темницы душу мою, / исповедатися Имене Твоему.
Безсмертным успением Божия Матере / ангельский собор радуется: / и Сия отходящи, / во обитeли вечныя вселяется, / и к веселию Небесному преходящи, / в Божественную радость / и вечное наслаждение.
Мене ждут праведницы, / дондеже воздаси мне.
Жизни Вышния желающи, / сию оставила eси, Богородительнице Отроковице, / девства цвете, / Христа рождшая, всех Живота; / благоговeйно предстояше апостольский собор / честному Твоему погребению, Богоневeстная.
Из глубины воззвах к Тебе, Господи, / Господи, услыши глас мой.
Твоим исходным пением и надгробным / воздух убо освятися, / восхождением Твоим, Мати Бога Человeколюбца, / чудо страшное, Богородице Неискусомужная. / Темже верно покланяем Ти ся, вернии, / Богородице Неискусобрачная.
Слава Отцу, и Сыну, и Святому Духу, и ныне и присно, и во веки веков. Аминь.
Приидите, всемирное успение / Всенепорочныя Богородицы празднуем, / днесь бо Ангели торжествуют / честное преставление Божия Матере / и к веселию нас, земных, призывают, / вопити немолчным гласом: / радуйся, преставльшаяся, от земли / и к Небесным обителем пресельшаяся. / Радуйся, яже ученический лик / облаком легким во eдино собравшая. / Радуйся, упование и спасение наше, / Тя бо христианский род непрестанно ублажает.
На СТИХОВНЕ СТИХИРЫ, глас 2.
Собор ученик / и Божественных апостол / собрася погребсти / богоприятное тело / eдиныя Богоматере.
Стих: Воскресни, Господи, в покой Твой, / Ты и Кивот святыни Твоея.
Ты, Иже из Нея / возсиявый неизреченно, / сынолепно дух всечистый / руками Твоими приими / Богородицы, Владыко.
Стих: Клятся Господь Давиду истиною / и не отвержется eя.
Егда ко из Тебе Рождшемуся / преставилася eси, / снидошася на облацех / тело Твое погребсти, / Дево, апостоли.
Слава Отцу, и Сыну, и Святому Духу, и ныне и присно, и во веки веков. Аминь.
Двeри Небесныя, / возмитеся, / зряще Дверь Вышняго, / идущу со славою / к Сыну и Богу.
ТРОПАРЬ, глас 1:
В рождестве девство сохранила eси, / во успении мира не оставила eси, Богородице, / преставилася eси к животу, Мати сущи Живота, / и молитвами Твоими избавляеши от смерти души наша.
На БОГ ГОСПОДЬ И ЯВИСЯ НАМ, глас 1
Бог Господь и явися нам, благословен грядый во имя Господне.
(Затем тропарь праздника, трижды:)
Слава Отцу, и Сыну, и Святому Духу, и ныне и присно, и во веки веков. Аминь.
Всечестный лик премудрых апостол собрася, / чудно погребсти славно тело Твое пречистое, Богородице Всепетая. / С нимиже воспеша и Ангел множество, преставление Твое честно хваляще, / еже верою празднуем.
ВЕЛИЧАНИЕ:
Величаем Тя, / пренепорочная Мати Христа Бога нашего, / и всеславное славим / успение Твое.
АНГЕЛЬСКИЙ СОБОР, глас 5
Благословенная Владычице, / просвети мя светом Сына Твоего.
Ангельский собор удивися, / зря Тебе в мертвых вменившуюся,/ душу же в руце Бога предавшую / и с Богом возшедшую, Пренепорочная, // со славою Божественною в Небесная.
Благословенная Владычице, / просвети мя светом Сына Твоего.
Почто радость со слезами, / Богопроповедницы растворяете? / Пришед близнец, свыше вразумляемь, / приглашаше апостолом: / видите вы пояс и уразумейте, // Дева воскресе от гроба.
Благословенная Владычице, / просвети мя светом Сына Твоего.
Ученик, неверивый, Владычице, / Воскресению Сына Твоего, / ныне уверяет прочих о востании Твоем, глаголя: / рыдания время преста, не плачите, // воскресение же Девы рцыте.
Благословенная Владычице, / просвети мя светом Сына Твоего.
Богоносным, Дево, учеником, собравшимся ко гробу Твоему и рыдающим, / явивыйся Фома рече, глаголя: / что с мертвыми живую помышляете? // Воскресе бо, яко Бога Родительница.
Слава Отцу и Сыну и Святому Духу.
Поклонимся Отцу, / и Его Сынови, и Святому Духу, / Святей Троице во Едином Существе, / с Серафимы зовуще: // Свят, Свят, Свят еси, Господи.
И ныне, и присно, и во веки веков. Аминь.
Жизнодавца рождши, / к жизни нестареемей прешла еси, / радость же, Дево, в печали место подала еси учеником, // из гроба тридневно восставшая Дево, // якоже и Господь.
Аллилуия, аллилуия, аллилуия, // слава Тебе, Боже. (х3)
Прокимен, глас 4:
Помяну имя Твое / во всяком роде и роде.
Стих: Слыши, Дщи, и виждь, и приклони ухо Твое.
Прокимен, глас 4
Всякое дыхание / да хвалит Господа.
ЕВАНГЕЛИЕ
от Луки (1:39–49, 56)
Во дни оны, воставши, Мариам, иде в горняя со тщанием, во град Иудов. И вниде в дом Захариин, и целова Елисавет. И бысть яко услыша Елисавет целование Мариино, взыграся младенец во чреве ея: и исполнися Духа Свята Елисавет. И возопи гласом велиим, и рече: благословена Ты в женах, и благословен плод чрева Твоего. И откуду мне сие, да прииде Мати Господа моего ко мне? Се бо, яко бысть глас целования Твоего во ушию моею, взыграся младенец радощами во чреве моем. И блаженна Веровавшая, яко будет совершение глаголанным Ей от Господа. И рече Мариам: величит душа Моя Господа, и возрадовася дух Мой о Бозе Спасе Моем. Яко призре на смирение Рабы Своея: се бо, отныне ублажат Мя вси роди. Яко сотвори Мне величие Сильный, и свято имя Его. Пребысть же Мариамь с нею яко три месяцы, и возвратися в дом Свой.
По 50-м псалме стихира глас 6.
Егда преставление пречистаго Твоего тела готовляшеся, / тогда апостоли, обстояще одр, / с трепетом зряху Тя; / и ови убо, взирающе на тело, / ужасом одержими бяху, / Петр же со слезами вопияше Ти: / О Дево, / вижду Тя ясно простерту просту, / Живота всех, и удивляюся, / в Нейже вселися будущия жизни наслаждение. / Но, о Пречистая, / молися прилежно Сыну и Богу Твоему / спастися стаду Твоему невредиму.
ИРМОСЫ КАНОНА
Ирмос: Преукрашенная Божественною славою, / священная и славная, Дево, память Твоя / вся собра к веселию верныя, / начинающей Мариаме, с лики и тимпаны, / Твоему поющия Единородному: / славно яко прославися.
Ирмос: Отверзу уста моя, / и наполнятся Духа, / и слово отрыгну Царице Матери, / и явлюся, светло торжествуя, / и воспою, радуяся, Тоя успение.
Ирмос: Твоя песнословцы, Богородице, / живый и независтный Источниче, / лик себе совокупльшия, духовно утверди, / в Божественней памяти Твоей / венцев славы сподоби.
КОНДАК, глас 2:
В молитвах Неусыпающую Богородицу / и в предстательствах непреложное упование / гроб и умерщвление не удержаста: / якоже бо Живота Матерь / к животу престави / во утробу Вселивыйся приснодевственную.
Ирмос: Отроки благочестивыя в пещи / Рождество Богородично спасло есть, / тогда убо образуемое, / ныне же действуемое, / вселенную всю воздвизает пети Тебе: / Господа пойте, дела, / и превозносите Его во вся веки.
Вместо «Достойно есть»
Ангели, успение Пречистыя видевше, удивишася, / како Девая восходит от земли на Небо.
Ирмос: Побеждаются естества уставы / в Тебе, Дево Чистая, / девствует бо рождество / и живот предобручает смерть. / По рождестве Дева и по смерти жива, / спасаеши присно, / Богородице, наследие Твое.
На ХВАЛИТЕХ СТИХИРЫ, глас 4.
Всякое дыхание да хвалит Господа, хвалите Господа с небес, хвалите Его в вышних, Тебе подабает песнь Богу. Хвалите Его вси ангели Его, хвалите Его вся силы Его, Тебе подабает песнь Богу.
Хвалите Бога во святых Его, // хвалите Его во утвержении силы Его.
В славном успении Твоем / Небеса радуются, / и ангельская возрадовашася воинства, / вся же земля веселится, / песнь Тебе исходную провозглашающи, / Матери всеми Владычествующаго, / Неискусобрачная Пресвятая Дево, / Яже род человеческий избавльшая / прародительнаго осуждения.
Хвалите Его на силах Его, // хвалите Его по множеству величествия Его.
От конец стекошася / апостолов лучшии, / богоначальным мановением, погребсти Тя, / и от земли вземлему Тя к высоте зряще, / глас Гавриилов радостию вопияху Тебе: / радуйся, Носило Божества всего. / Радуйся, Едина, земная с Вышними / Рождеством Твоим совокупльшая.
Слава Отцу, и Сыну, и Святому Духу, и ныне и присно, и во веки веков. Аминь.
На безсмертное Твое успение, / Богородице, Мати Живота, / облацы апостолы по воздуху восхищаху, / и, по миру разсеянныя, / во едином лице предсташа пресвятому Твоему телу, / еже и погребше честно, / глас Тебе Гавриилов, поюще, вопияху: / радуйся, Благодатная, Дево, / Мати Безневестная, / Господь с Тобою. / С нимиже, яко Сына Твоего и Бога нашего, моли / спастися душам нашим.
Молитва на Успение Пресвятой Богородицы
Праздник Успения Божией Матери
<< Главная страница Церковные праздники >>
Здравствуйте,наши дорогие редакторы!
Сердечно поздравляем Вас с праздником Успения Пресвятой Богородицы!
От всей души желаем Вам и Вашим близким душевных и телесных благ,семейного благополучия,мира и радости,теплого заступничества и покровительства Пресвятой Владычицы нашей Богородицы!
Спаси Вас Господи за возможность всем нам приобщаться к церковной службе,за эти благостные и трепетные минуты!Низкий Вам всем поклон!
С уважением,Лидия.
Здравствуйте, Лидия!
Благодарим Вас за поздравление и благостные пожелания!
Поздравляем Вас с Успением и трехдневным воскресением Пресвятой Богородицы!
Пусть Вас и всю Вашу семью Матерь Господа нашего Иисуса Христа осеняет Своим благодатным омофором!
Пресвятая Богородице, спаси нас!