Молебен святой Матроне Московской

Мир Вам, дорогие почитатели святой блаженной Матроны Московской!

Чтобы чувствовать себя защищенными от всякого зла, от искушений, которые могут подстерегать нас на протяжении всего дня, следует с утра читать Утренние молитвы (или хотя бы какую-то часть из них), и прилагать к ним молитвы святой блаженной Матроне Московской, которые мы размещаем ниже.

Ежедневное чтение молитв — это правильный и спасительный путь для нашей бессмертной души!

Тропарь, глас 2

Богом умудренную блаженную старицу Матрону, земли Тульския процветение и града Москвы преславное украшение, восхвалим днесь, вернии. Сия бо, света дневнаго не познавши, светом Христовым просветися и даром прозрения и исцеления обогатися. Пресельница же и странница на земли бывши, ныне в чертозех Небесных Престолу Божию предстоит и молится о душах наших.

Кондак, глас 7

К служению Христу от чресл матерня предъизбранная, праведная Матроно, стезе скорбей и печалей шествующи, твердую веру и благочестие явивши, Богу угодила еси. Темже, почитающе память твою, молим тя: помози и нам в любви Божии пребывати, старице блаженная.

Величание

Величаем тя, святая праведная старице Матроно, и чтим святую память твою, ты бо молиши о нас Христа Бога нашего.

Молитва первая

О, блаженная мати Матроно, душею на небеси пред Престолом Божиим предстоящи, телом же на земли почивающи,и данной ти с выше благодатию различные чудеса истоющи! Призри ныне милостивым твоим оком на ны, грешных, в скорбях, болезнях и бесовских искушениях дни свои иждивающих, утеши ны отчаянные, исцели недуги наши лютыя, от Бога нам по грехом нашим попущаемые, избави нас от многих скорбей и обстояний и умоли Господа нашего Иисуса Христа простити нам все наша согрешения, беззакония и грехопадения, яже мы от юности нашея даже до настоящего дне и часа согрешихом, да твоими же молитвами, получивше благодать и велию милость, прославим в Троице Единого Бога, Отца, и Сына, и Святого Духа, и ныне и присно и во веки веков. Аминь.

Молитва вторая

О, блаженная мати Матроно, услыши и приими ныне нас, грешных, молящихся к тебе , навыкшая во всем житии твоем приимати и выслушивати всех страждующих и скорбящих с верою и надеждою к твоему заступлению и помощи прибегающих, скорое поможение и чудесное исцеление всем подавающи; да не оскудеет и ныне милосердие твое к нам, недостойным, мятущимся в многосуетном мире сем и нигдеже не обретающим утешения и сострадания в скорбех душевных и помощи в болезнех телесных, исцели болезни наша, избави от искушений и мучительства дьявола страстно воюющаго, помози донести житейский свой Крест, снести вся тяготы жития и не потерять в нем образ Божий, веру православную до конца дней наших сохранити, упование и надежду на Бога крепкую имети и нелицемерную любовь к ближним, дабы помози нам по отшетствии из жития сего достигнути Царствия Небесного со всеми угодившими Богу, прославляюще милосердие и благость Отца Небесного, в Троице славимого: Отца и Сына и Святого Духа во веки веков. Аминь.

Окончание

Читайте также:  Акафист святой Матроне Московской

Молитвы святой Матроне Московской

на рубрику святой Матроны >>

На главную страницу сайта - Семья и Вера